हेटौडा । मकवानपुर जिल्ला फुटबल संघको आयोजनामा यही बैशाख १९ गतेदेखि हुने भनिएको राष्ट्रिय महिला गोल्डकप नकआउट फुटबल प्रतियोगिताको सर्वश्रेष्ठ खेलाडीले पाउने स्कुटर पुरस्कार प्रायोजकको पनि टुंगो लागेको छ ।

जसअनुसार महिला गोल्डकप फुटबल प्रतियोगिताको सर्बोत्कृष्ट खेलाडीले प्राप्त गर्ने स्कुटरको प्रायोजन नेपाली कांग्रेस बागमती प्रदेश सभापति एवम पुर्ब गृह राज्यमन्त्री माननिय, बागमती प्रदेश सभाका सांसद ईन्द्रबहादुर बानियाँले प्रायोजन गरेका हुन् ।

सोही प्रायोजनका लागि एक कार्यक्रमको आयोजना गरि मकवानपुर जिल्ला फुटबल संघका अध्यक्ष टीका लामा र माननीय इन्द्र बहादुर बानिया बिच सम्झौता पत्रमा हस्ताक्षर गरिएको समेत गरिएको छ ।

खेलप्रेमी अभियन्ताका रुपमा पनि सक्रिय बानियाले जिल्ला फुटबल संघको हरेक कार्यक्रममा सहयोग गर्दै आइरहेका छन् । बानियाको सहयोगले थप हौसला मिलेको मकवानपुर जिल्ला फुटबल संघका अध्यक्ष टिका लामाले बताए ।

स्मरण रहोस, गौरीटार रंगशालामा हुने महिला गोल्डकपको विजेताले उपाधिसहित नगद ५ लाख हात पार्नेछ भने उपविजेताले ३ लाख प्राप्त गर्नेछ । प्रतियोगितामा तीन विभाीय टोलीहरुसहित कुल ८ टोलीहरुले सहभागिता जनाउने पनि आयोजकले जानकारी दियो ।