सुर्खेत । सुदुरपश्चिम यहाँ जारी महिला लिग छनौटतर्फ फाइनल चरणको एन्फा महिला लिगका लागि छनौट भएको छ । बुधबार निर्णायक खेलमा कर्णाली प्रदेशलाई हराउँदै सुदुरपश्चिमले महत्वपूर्ण सफलता हात पारेको हो ।

सुर्खेत स्थित कर्णाली रंगशालामा भएको खेलमा सुदुरपश्चिमले घरेलु टोलीमाथि शून्यका विरुद्ध १ गोलको झिनो अन्तरको जित निकाल्दै शिर्ष महिला लिगमा आफ्नो स्थान सुरक्षित गरेको हो ।

स्मरण रहोस, जारी महिला लिग छनौटबाट शिर्ष तीन स्थानमा रहने टोलीहरुले एन्फा महिला लिग खेल्नेछन् ।