काठमाडौं । अखिल नेपाल फुटबल संघ (एन्फा) ले साफ यु-२० महिला च्याम्पियनसिप खेल्न बंगलादेश जाने नेपाली राष्ट्रिय यु-२० महिला फुटबल टोलीको बिदाई गरेको छ ।

सातदोबाटो स्थित एन्फा कम्प्लेक्समा एक कार्यक्रमका एन्फा अध्यक्ष पंकज विक्रम नेम्बाङ उपाध्यक्ष दावा लामा, महासचिव किरन राई, एन्फा प्रवक्ता सुरेश साह लगायतले टोलीको बिदाई गरे ।

यही जुलाई ११ देखि २१ तारीखसम्म बंगलादेशको राजधानी ढाकामा हुने प्रतियोगितामा नेपालसहित बंगलादेश, भुटान र श्रीलंका सहभागी हुनेछन । डबल राउन्ड रोबिन लिगका आधारमा हुने प्रतियोगिताको शिर्ष स्थान हासिल गर्ने टोली विजेता बन्नेछ ।