काठमाडौं । एन्फा यु-१६ युथ लिग फुटबल प्रतियोगितातर्फ मच्छिन्द्र फुटबल क्लबले मंगलबार लगातार दोस्रो र फराकिलो जित हात पारेको छ ।

दिनको दोस्रो खेलमा मच्छिन्द्रले प्लानिङ ब्वाईज युनाईटेडलाई ७-० को फराकिलो अन्तरले हरायो । मच्छिन्द्रको जितमा किरन धामी र सुमन ठकुरीले समान २/२ गोल गरे । त्यस्तै बिकास थापा, राहुल योञ्जन र आर्यबिर सिंहले समान १/१ गोल गरे ।

आफ्नो पहिलो खेलमा एपिएफलाई हराएको मच्छिन्द्रको ६ अंक भएको छ । उता प्लानिङ ब्वाईजको भने ३ अंक मात्र छ । प्लानिङ ब्वाईजले आफ्नो पहिलो खेलमा सातदोबाटो युथ क्लबलाई हराएको थियो ।