काठमाडौं । बुधबार सम्पन्न साफ महिला च्याम्पियनसिपतर्फ बंगलादेशलाई लगातार दोस्रोपटक उपाधि जित निर्णायक भूमिका खेलेकी रितु चक्मा प्रतियोगिताको सर्वोत्कृष्ट खेलाडी चुनिएकी छिन् ।

उनले त्यसवापत गोल्डेन बल समेत हात पारेकी छिन् । स्मरण रहोस, साफ महिला च्याम्पियनसिपको फाइनलमा बंगलादेशले नेपाललाई २–१ ले हराउँदा बंगलादेशका लागि रितुले दोस्रो तथा निर्णायक गोल समेत गरेकी थिईन् ।

त्यस्तै बंगलादेश कै रुपना चक्माले उत्कृष्ट गोलरक्षकको पुरस्कार हात पारिन् । प्रतियोगिताभरि कुल ८ गोल गरेकी भुटानकी डेकि ल्हाजोमले सर्वाधिक गोलकर्ताको पुरस्कार हात पार्दा फेयर प्ले अवार्ड पनि भुटानले नै प्राप्त गर्यो ।