तेह्रथुमको आठराई गाउँपालिका ३ ह्वाकु मौलाडॉडामा पॉचौ श्रीजंग राय स्मृति खुल्ला पुरूष फुटबल प्रतियोगिताको तेस्रो दिन दुइ क्वाटरफाइनल सहित ४ खेल सम्पन्न भएका छन ।

पहिलो खेलमा लुङ्भित्ता चुहानडॉडा समयमा उपस्थिति नभएकाले क्रेजि टाइम आठराईले नेटबल गर्दै क्वाटरफाइनलमा प्रवेश गरेको छ । दोस्रो खेलमा आठराई गाउँपालिका वाड नं -२ खाम्लालुङले पेनाल्टि सुटआउटमा चुहानडॉडालाई पराजित गर्दै क्वाटरफाइनलमा प्रवेश गरेको छ । तेस्रो खेल तथा क्वाटरफाइनलको पहिलो खेलमा होडा नागेश्वरीलाई पेनाटि सुट आउटमा हराउँदै योङ् ब्वाइज झापा सेमिफाइनलमा प्रवेश गरेको छ ।

बिहीबार सम्पन्न अन्तिम खेल तथा दोस्रो क्वाटरफाइनलमा आठराई गाउँपालिका वाड नं -७ थोक्लुङ लाई १ का विरुद्ध २ गोलले पराजित गर्दै आयोजक ए सेमिफाइनलमा प्रवेश गरेको हो । प्रतियोगिताको चौथो दिन शुक्रबार क्वाटर फाइनलका अन्तिम दुइ खेल हुने आयोजकले जनाएको छ । तेस्रो क्वाटरफाइनमा सरस्वती मा वि ह्वाकु र क्रेजी टाइम आठराई र अन्तिम क्वाटरफाइनमा लिसिबुङ एफ सि र आठराई गाउँपालिका वाड नं -६ चुहानडॉडा बिच हुनेछ ।

इङनाम इवाहाङ युवा समाजको आयोजनामा माघ १ गते देखि शुरू भएको प्रतियोगिता ६ गते सम्म सन्चालनमा रहनेछ । १४ टिम सहभागि रहेको प्रतियोगिताको विजेताले १ लाख ५ हजार १०८ र उपविजेताले ६५ हजार १०८ रूपैया प्राप्त गर्ने खेलकुद समिति अध्यक्ष सन्जय इङनामले जानकारी दिनुभयो ।