काठमाडौं । ललित स्मृति यु–१८ युथ लिग फुटबल प्रतियोगिता अन्तर्गत सोमबार जावलाखेल युथ क्लब र नेपाल पुलिस क्लबले जित हात पारेका छन् ।

सातदोबाटो स्थित एन्फा कम्प्लेक्समा भएको खेलमा जावलाखेलले संकटा फुटबल क्लबलाई ५–३ ले हरायो । यो जितपछि १८ खेलबाट २६ अंक जोडेको जावलाखेल लिगतालिकाको सातौं स्थानमा उक्लेको छ । पराजित संकटा भने ३३ अंकका साथ शिर्ष तीन मै कायम छ ।

अर्को खेलमा पुलिसले एपिएफ फुटबल क्लबलाई शून्यका विरुद्ध ३ गोलले हरायो । यो जितपछि १८ खेलबाट ३९ अंक जोडेको पुलिस शिर्ष स्थानमा कायम छ । पराजित एपिएफ भने २९ अंकका साथ लिगतालिकाको पाँचौं स्थानमा छ ।