भरतपुर । विद्यालयस्तरबाट पनि फुटबल खेलको विकास र प्रवद्र्धन गर्ने उद्देश्यका साथ भरतपुर फुटबल क्लब, चितवनको आयोजनामा हुने हनामी दोस्रो इन्टर स्कुल कप विद्यालयस्तरीय फुटबल प्रतियोगिता यही मंसिर १७ गतेदेखि शुरु हुने भएको छ ।

प्रतियोगिताको आवश्यक तयारी पनि अन्तिम चरणमा रहेको कार्यक्रम संयोजक ध्रुव भुषालले बताए । साथै प्रतियोगितामा दश कक्षासम्म अध्ययनरत युवा खेलाडीहरुले मात्र सहभागिता जनाउन पाउने पनि खेल संयोजक भुषालले बताए ।

प्रतियोगिताको विजेताले उपाधिसहित नगद २५ हजार हात पार्नेछ भने उपविजेताले १५ हजारसहित ट्रफी, मेडल र प्रमाणपत्र प्राप्त गर्नेछ । त्यस्तै विधागततर्फ पनि उचित पुरस्कारको व्यवस्था गरिएको आयोजकले जनाएको छ ।

स्मरण रहोस, प्रतियोगिताको पहिलो संस्करणको उपाधि वाल्मिकी स्कुलले जितेको थियो ।