काठमाडौं । ललित स्मृति यु–१८ युथ लिग फुटबल प्रतियोगिता अन्तर्गत न्युरोडटिम (एनआरटी) ले शिर्षताको होडमा आफ्नो चुनौति कायम राख्दा पुछारतिर संघर्षरत टोली एफसी खुमलटारले सिजनको दोस्रो जित हात पारेको छ ।

सातदोबाटो स्थित एन्फा कम्प्लेक्समा भएको पहिलो खेलमा एनआरटीले चर्च ब्वाईज युनाइटेडलाई शून्यका विरुद्ध ३ गोलले हरायो । यो जितपछि १२ खेलबाट २५ अंक जोडेको एनआरटी लिगतालिकाको दोस्रो स्थानमा कायम छ । र एक खेल कम खेलेको लिगलिडर पुलिस भन्दा एक अंकले पछाडी छ । उता पराजित चर्च ब्वाईजको खातामा भने १४ अंक र लिगतालिकाको नवौं स्थानमा छ ।

त्यस्तै आइतबार नै भएको दोस्रो खेलमा खुमलटारले सातदोबाटो युथ क्लबलाई ५–२ को अन्तरले हरायो । यो जितपछि १२ खेलबाट ७अंक भएको छ र लिगतालिकाको ११औं स्थानमै छ । त्यस्तै पराजित सातदोबाटो भने ४ अंकका साथ पुछार मै छ ।