काठमाडौं । नेपाल धितोपत्र बोर्ड कर्मचारी युनियनले आयोजना गरेको "EUSEBON Capital Market Futsal Championship -2024" को शुक्रबार बिहान एक समारोह बिच नेपाली काँग्रेसका महामन्त्री गगन थापाले उद्घाटन गरेका छन् ।

कार्यक्रममा बोल्दै महामन्त्री थापाले धितोपत्र बोर्डले धितोपत्र बजारको उचित नियमन गर्न नसके अहिले सहकारी क्षेत्रमा देखिएको जस्तै समस्या भोलीका दिनमा पूँजी बजारमा समेत देखिन सकिने बताए । महामन्त्री थापाले धितोपत्र सम्बन्धि ऐन अहिले सदनमा संसोधनका क्रममा रहेको र ऐन संसोधनबाट समेत धितोपत्र बजारको जटिलताहरु संशोधन हुने कुरामा शंका रहेको कारण, नेपाली काँग्रेसका आफू लगायत अन्य सांसदहरुले संशोधन प्रस्ताव दर्ता गराएको समेत बताए ।