फुङलिङ । लाखेजात्रा सञ्चालन समिति, ताप्लेजुङको आयोजनामा सोमबारदेखि शुरु भएको दोस्रो गोल्डकपको पहिलो टिकट बिक्रीबाट २ लाख २० हजार रकम संकलन भएको आयोजकले जनाएको छ ।

घरेलु टोली संघर्ष स्र्पोटिङ क्लब र कञ्चनजंघा फुटबल क्लब बीच भएको उद्घाटन खेलमा टिकट बिक्रीबाट उक्त रकम संकलन भएको आयोजकले जनाएको हो । आयोजकका अनुसार उद्घाटन खेलमा १०० रुपैयाँ दरको टिकट २,२०० बिक्री भएको थियो ।

प्रतियोगिता अन्तर्गत भदौ ४ गते मंगलबार पाँचथर फुटबल क्लब, पाँचथर र सलहेश युवा क्लब, सिरहा भिड्ने कार्यक्रम छ । भदौ १० गतेसम्म प्रतियोगिताको विजेताले उपाधिसहित नगद ५ लाख हात पार्नेछ भने उपविजेताले २ लाख ५० हजार प्राप्त गर्नेछ ।