काठमाडौं । प्रतिष्ठित एएफसी कपको पहिलो चरणको छनौट खेल खेल्ने तयारीमा रहेको मच्छिन्द्र फुटबल क्लबले आइतबार रामेछाप जिल्ला फुटबल संघको टोली विरुद्ध मैत्रीपूर्ण फुटबल म्याच खेलेको छ ।

एन्फा कम्प्लेक्समा भएको खेलमा मच्छिन्द्रले रामेछाप विरुद्ध ७–० को प्रभावशाली र एकतर्फी जित निकाल्यो । मच्छिन्द्रले रामेछाप विरुद्ध बिमल घर्ती मगर, आयुष घलान, आफिज ओलावाले जस्ता अनुभवी र चर्चित खेलाडीहरुलाई पनि मैदानमा उतारेको थियो ।

स्मरण रहोस, मच्छिन्द्रले यही साउन २३ गते (अगस्त ८) का दिन भुटानी लिग च्याम्पियन पारो फुटबल क्लबसँग एएफसी कपको पहिलो चरणको खेल खेल्दैछ । जुन खेल दशरथ रंगशालामा हुने पनि तय भईसकेको छ ।

ुसो खेलमा जित हात पार्न सके मच्छिन्द्रले साउन ३१ गते (अगस्त १६ तारीख) का दिन दोस्रो चरणको खेलमा चर्चित भारतीय क्लब मोहन बगान विरुद्ध खेल्नेछ ।