काठमाडौं (एजेन्सी) । अरब राष्ट्रहरुबीच हुने प्रतिष्ठित गल्फ कपको २५औं संस्करण इराकमा शुरु भएको छ । प्रतियोगिताको शुरुवाती दुई दिनको खेलहरुमा साविक विजेता बहराईनसँगै, साउदी अरब र कतारले विजयी शुरुवात गरेका छन् ।

समूह ए मा रहेको साउदीले यमनमाथि २–० को जित निकाल्यो । सोही समूहको अर्को खेलमा आयोजक इराक र ओमानले गोलरहित बराबरी खेल्दै अंक बाँडे ।

त्यस्तै समूह बी तर्फ साविक विजेता बहराईनले युएईमाथि २–१ को जित निकाल्यो । अर्को खेलमा कतारले कुवेतलाई शून्यका विरुद्ध २ गोलले पराजित गर्यो ।

प्रत्येक समूहको शिर्ष दुई टोली सेमिफाइनलमा प्रवेश गर्नेछन् । फाइनल खेल जनवरी १९ तारीखका दिन बसरा स्थित बसरा इन्टरनेशनल स्टेडियममा हुनेछ ।

कुवेत प्रतियोगिताको सर्वाधिक सफल टोली हो । कुवेतले हालसम्म सर्वाधिक १० पटक गल्फ कपको उपाधि जितेको थियो । दोस्रो स्थानमा भने साउदी अरब रहेको छ । साउदीले कुल तीनपटक गल्फ कपको उपाधि जितेको छ ।