काठमाडौं । ललित स्मृति यु–१८ युथ लिग फुटबल प्रतियोगिता अन्तर्गत बुधबार न्युरोडटिम (एनआरटी) र विभागीय टोली त्रिभुवन आर्मी फुटबल क्लबले जित हात पारेका छन् ।

एन्फा कम्प्लेक्स्मा भएको दिनको पहिलो खेलमा एनआरटीले मनाङ मस्र्याङ्दी क्लबलाई ३–० ले हरायो । यो जितपछि १९ खेलबाट ३८ अंक जोडेको एनआरटी दोस्रो स्थानमा कायम छ । पराजित मनाङको खातामा भने २५ अंक छ र आठौं स्थानमा छ ।

बुधबार नै भएको अर्को खेलमा आर्मीले जावलाखेल युथ क्लबमाथि १–० को झिनो अन्तरको जित निकाल्यो । यो जितपछि १९ खेलबाट १५ अंक जोडेको आर्मी दशौं स्थानमा छ । पराजित जावलाखेल भने २६ अंकका साथ सातौं स्थानमा छ ।