काठमाडौं । ललित स्मृति यु–१८ युथ लिग फुटबल प्रतियोगिता अन्तर्गत मंगलबार १८औं चरणको अन्तिम दुई खेलहरु मध्ये एकमा निश्चित जित र अर्को बराबरी नतिजा निस्किएका छन् ।

एन्फा कम्प्लेक्समा भएको दिनको पहिलो खेलमा थ्रीस्टार फुटबल क्लब र सातदोबाटो युथ क्लबले २–२ गोलको बराबरी खेल्दै अंक बाँडे । यो नतिजापछि १८ खेलबाट ३१ अंक जोडेको थ्रीस्टार लिगतालिकाको चौथो स्थानमा छ । सातदोबाटो भने ११ अंकका साथ पुछारमा छ ।

त्यस्तै अर्को खेलमा चर्च ब्वाईज युनाइटेड क्लबले एफसी खुमलटारलाई २–१ ले पराजित गर्यो । यो जितपछि चर्च ब्वाईज १८ खेलबाट १९ अंकका साथ लिगतालिकाको नवौं स्थानमा छ । पराजित खुमलटार भने ११ अंकका साथ ११औं स्थानमा छ ।