चन्द्रपुर । साफ महिला च्याम्पियनसिपतर्फ नेपाललाई फाइनलसम्म पुर्याउन महत्वपूर्ण भूमिका खेलेका राष्ट्रिय महिला फुटबल टोलीका आठ खेलाडीहरु गृहजिल्ला रौतहटमा नगदसहित सम्मानित भएका छन् ।

सम्मानित हुनेहरुमा अनिता केसी, अन्जना राना मगर, सजनी थोकर, रेनुका नगरकोटी, समिक्षा घिमिरे, रश्मी घिसिङ, निशा थोकर र सबिता राना मगर रहेका छन् । उनीहरुलाई चन्द्रपुर नगरपालिका वडा नम्बर ४ र ६ ले छुट्टाछुट्टै कार्यक्रमको आयोजना गरी जनही नगद ५–५, सम्मानपत्र र दोसल्ला ओढाई सम्मानित गरेको हो ।

स्मरण रहोस, गत कार्तिक १४ गते दशरथ रंगशालामा भएको साफ महिला च्याम्पियनसिपको फाइनलमा नेपालले बंगलादेशसँग २–१ को हार बेहोर्दै उपविजेता मै चित्त बुझाउन बाध्य बनेको थियो ।