भरतपुर । ब्लुबेरी इभेन्टस्को व्यवस्थापन र आयोजनामा कर्पोरेट क्षेत्रका फुटसल टिमहरुबीच आउँदो मंसिर २९ र ३० गतेका दिन कर्पोरेट फुटसल लिग प्रतियोगिता हुने भएको छ ।

भरतपुर स्थित कासी स्पोर्टस एण्ड रिक्रियशनल सेन्टरको फुटसल कोर्टमा हुने प्रतियोगितामा चितवनसहित हेटौडा र नवलपुरका कर्पोरेट फुटसल टिमहरुले सहभागिता जनाउने आयोजकले जानकारी दियो ।

साथै प्रतियोगिताको टिमदर्ता पनि खुला गरिएको छ । र टिमदर्ता शुल्क १० हजार तोकिएको छ । प्रतियोगिताको विजेताले उपाधिसहित नगद ८० हजार हात पार्नेछ भने उपविजेताले ४० हजारसहित ट्रफी, मेडल र प्रमाणपत्र प्राप्त गर्नेछ । त्यस्तै विधागततर्फ उत्कृष्ट हुने खेलाडीहरुलाई पनि उचित पुरस्कारको व्यवस्था गरिएको आयोजकले जनाएको छ ।