शनिश्चरे । झापाको अर्जुनधारा १ सिस्नेस्थित सहिद टेकमान रंगशालामा जारी फुटबल प्रतियोगितामा उपाधिको दाबेदार टोली शनिश्चरे एफसी सेमिफाइनलमा प्रवेश गरेको छ ।

आज भएको तेस्रो कवाटरफाइनल खेलमा बाहुनडाँगीको डिएफसीलाई २-० गोलले पराजित गर्दै शनिश्चरेले अन्तिम चारमा स्थान बनाउने तेस्रो टोली बनेको हो । उसका लागि दुवै गोल दोस्रो हाफमा सम्भव भएको थियो ।

दोस्रो हाफमा परिवर्तित खेलाडी निमा तामाङले टोलीका लागि पहिलो गोल गर्दै शनिश्चरेलाई अग्रता दिलाएका थिए । दास्रो हाफमै देवेन्द्र तामाङको हेडरमार्फत शनिश्चरेले अग्रता दोब्बर बनाएको हो ।