काठमाडौं । मोफसलको फुटबलमा विशेष र फरक पहिचान बनाउन सफल बागमती युवा क्लब, सर्लाहीको महिला फुटबल टिम अर्को महिनादेखी शुरु हुने भनिएको राष्ट्रिय महिला लिगको तयारीमा जुटेको छ ।

लिग कै तयारीका लागि भनेर बागमतीले खेलाडी छ्नौट कार्यक्रम र बन्द प्रशिक्षण पनि शुरु गरेको क्लबका अध्यक्ष किस्मतराज मैनालीले जानकारी दिए ।

सोनाम लामाको प्रशिक्षकीय जिम्मेवारीमा रहेको बागमती क्लबको बन्द प्रशिक्षणमा हाल ३५ खेलाडीहरु सामेल रहेको क्लबका सचिव कुमार प्रधानले बताए । साथै उक्त बन्द प्रशिक्षणबाट खेलाडीहरुको संख्या २५ मा झारिने पनि क्लबले जनाएको छ ।