काठमाडौं । राष्ट्रिय महिला फुटबल टोलीकी महत्वपूर्ण सदस्य तथा क्षमतावान मिडफिल्डर प्रिती राईले खेलकुदसँगै मैदान बाहिर आफ्नो व्यवसायिक करियरलाई पनि निरन्तरता दिंदै आईरहेकी छिन् ।

यसै क्रममा प्रितीले अर्को नयाँ भूमिका र जिम्मेवारी पाएकी छिन् । प्रितीलाई एकता ग्लोबल एजुकेशन कन्सल्टेन्सीले आफ्नो ब्राण्ड एम्बेसडरमा नियुक्त गरेको छ ।

त्यसो त मैदान बाहिर प्रितीले पाएको यो भूमिका नयाँ भने होईन । यसअघि पनि प्रितीले विभिन्न राष्ट्रिय व्यापारिक संघसंस्था र ब्राण्डहरुसँग पनि सहकार्य गरिसकेकी छिन् ।