काठमाडौं । हिमालयन फुटबल क्लबको आयोजनामा आगामी साउन १८ र १९ गतेका दिन प्रथम हिमालयन फुटसल कप फाईभ ए साईड फुटसल प्रतियोगिता हुने भएको छ ।

भाटभटेनी हेल्थ क्लबमा हुने प्रतियोगिताको टिमदर्ता साउन १५ गतेसम्म खुला गरिएको आयोजकले जनाएको छ । साथै टिमदर्ता शुल्क ७,७७७ रुपैयाँ तोकिएको छ ।

प्रतियोगिताको विजेताले उपाधिसहित नगद १,११,१११ रुपैयाँ हात पार्नेछ भने उपविजेताले ५५,५५५ रुपैयाँसहित ट्रफी, मेडल र प्रमाणपत्र प्राप्त गर्ने आयोजकले जानकारी दियो ।

त्यस्तै प्रतियोगिताको फेयर प्ले टिमलाई ११,१११ रुपैयाँसहित ट्रफी प्रदान गरिनेछ भने सर्वोत्कृष्ट खेलाडी र उत्कृष्ट गोलरक्षकलाई जनही ५,५५५/५,५५५ रुपैयाँसहित ट्रफीको व्यवस्था गरिएको आयोजकले जनाएको छ ।