काठमाडौं । नेपाल र बंगलादेशबीच हुने अन्तर्राष्ट्रिय मैत्रीपूर्ण फुटबल म्याचमा दर्शकहरुका लागि टिकट मूल्य तोकिएको छ । अखिल नेपाल फुटबल संघ (एन्फा) ले सूचना जारी गर्दै सो म्याचका लागि टिकट मुल्य निर्धारण गरेको हो ।

एन्फाका अनुसार नेपाल र बंगलादेश बीचको खेलमा दर्शकहरुका लागि सामान्यतर्फ पाँच सय र भिआईपीतर्फ १ हजार र ५ हजार दरको टिकट मुल्य निर्धारित गरिएको छ । साथै टिकट दशरथ रंगशालाबाट नै खरिद गर्न सकिने पनि एन्फाले जनाएको छ ।

स्मरण रहोस, नेपालले मंगलबार फिफाको इन्टरनेशनल ब्रेकतर्फ बंगलादेशसँग सामना गर्दैछ । जुन खेल दशरथ रंगशालामा बेलुका ५ः३० बजेदेखि शुरु हुने एन्फाले जनाएको छ ।