काठमाडौं । रोयल अबुधाबी एफसी र नखिल गुर्खाज एफसी, युएईको आयोजनामा आउँदो सेप्टेम्बर ७ तारीखका दिन नेपाली समुदायहरु बीच खुला गोर्खाली  च्यालेञ्ज कप फुटबल प्रतियोगिता हुने भएको छ ।

अबुधाबी स्थित अल धफ्रा स्पोर्टस एण्ड कल्चरल क्लबमा हुने प्रतियोगिताको टिमदर्ता पनि खुला गरिएको छ । साथै टिमदर्ता शुल्क ८०० युएई दिराम तोकिएको आयोजकले जानकारी दियो ।

प्रतियोगिताको विजेताले उपाधिसहित ५००० युएई दिराम हात पार्नेछ भने उपविजेताले ३००० युएई दिरामसहित ट्रफी, मेडल र प्रमाणपत्र प्राप्त गर्नेछ ।

त्यस्तै उत्कृष्ट खेलाडी उत्कृष्ट गोलरक्षक र सर्वाधिक गोलकर्तालाई नगद ५० युएई दिरामसहित ट्रफी, मेडल र प्रमाणपत्र प्रदान गरिने आयोजकले जानकारी दियो ।