काठमाडौं । मोफसलदेखि राष्ट्रियस्तरका फुटबल प्रतियोगिता खेल्दै अनेक उपाधि र सफलता समेत चुमेका फुटबल खेलाडी जीवन गुरुङ अहिले आफ्नै जीवनको कठिनमा मोडमा उभिएका छन् ।

जिन्दगीभर साथ दिने कसम खाएकी जिवनसंगिनी प्राणघातक रोगसँग जुध्न बाध्य बनेपछि जीवनलाई अहिले आफ्नै जिन्दगी पनि कठिन मोडमा रहेको अनुभुति भईररहेका छन् । जीवनका अनुसार उनको श्रीमतीलाई अहिले ब्लड क्यान्सर जस्तो घातक रोगको कारण भरतपुरमा उपचार भईरहेको छ ।

उनको उपचारमा लाखौं रकम खर्च भईसकेको र अझै रकम चाहिने भएपछि उनले सबै शुभेच्छुक र खेलप्रेमीहरुसँग सहयोगका लागि अपिल गरेका हुन् । खेलेर कमाएको र आफुसँग भएको सबैजसो रकम खर्च भएपछि सहयोगका लागि अपिल गरिएको जीवनले बताए ।

व्यवसायीक खेलाडीका रुपमा नेपालका चर्चित क्लबहरु थ्रीस्टार क्लब, मनाङ मस्र्याङ्दी क्लब, घरलु टोली सहारा क्लब जस्ता क्लबहरुबाट खेलेका रक्षक जीवन अहिले आफ्नै जीवनसंगिनीको रक्षार्थ मैदान बाहिर संघर्षरत छन् ।

जीवनलाई सहयोग गर्न चाहने सहयोगीहरुका लागि QR: