गैंडाकोट । गैंडाकोट नगरपालिकामा फुटबल खेलको विकास तथा प्रवर्द्धन गर्ने उद्देश्यका साथ गैंडाकोट फुटबल क्लब र गैंडाकोट नगर खेलकुद विकास समितिबीच पहिलो चरणको सकारात्मक छलफल सम्पन्न भएको छ।

छलफलमा "गैंडाकोटमा फुटबलको विकास तथा प्रथम गैंडाकोट च्याम्पियनसिप कप २०८३" आयोजना गर्ने विषयमा विस्तृत रूपमा विचार–विमर्श गरिएको थियो। स्थानीय स्तरमा फुटबलको आधार बलियो बनाउने, प्रतिभावान खेलाडीहरूको पहिचान तथा प्रोत्साहन गर्ने र गैंडाकोटलाई खेलकुद गतिविधिको केन्द्रका रूपमा स्थापित गर्ने साझा प्रतिबद्धता व्यक्त गरिएको छ।

दुवै पक्षले प्रतियोगितालाई सफल बनाउन आवश्यक समन्वय, योजना तथा सहकार्यलाई आगामी चरणमा थप प्रभावकारी बनाउँदै लैजाने सहमति गरेका छन्।