काठमाडौं । एन पेनाङ फुटबल क्लब, मलेसियाको आयोजनामा हुने दोस्रो एन पेनाङ गोल्डकपको खुला नकआउट फुटबल प्रतियोगिताको ट्रफी सार्वजनिक गरिएको छ ।

पेनाङ शहर स्थित स्टेडियम मिनी पर्माटाङ रावामा मार्च ३१ र १ अप्रिलका दिन हुने प्रतियोगिताको आवश्यक तयारीहरु पनि अन्तिम चरणमा रहेको आयोजकले जनाएको छ ।

प्रतियोगिताको विजेताले उपाधिसहित ३० हजार मलेसियन रिंगेट हात पार्नेछ भने उपविजेताले १५ हजार मलेसियन रिंगेट प्राप्त गर्ने आयोजकले जानकारी दियो । त्यस्तै फेयर प्ले टिमले १००० मलेसियन रिंगेट प्राप्त गर्नेछ ।

त्यस्तै चार विधाका उत्कृष्ट खेलाडीहरुले जनही ३००–३०० रिंगेट हात पार्दा उत्कृष्ट प्रशिक्षक र व्यवस्थापकलाई जनही ५००–५०० रिंगेटसहित पुरस्कृत गरिने आयोजकले जानकारी दियो ।

प्रतियोगिताको आधिकारिक मिडिया पार्टनरमा गोलनेपाल डटकम पनि रहेको छ ।