सप्तकोशी । ‘स्वास्थ्यका लागि खेलकुद, राष्ट्रका लागि खेलकुद’ भन्ने नाराका साथ श्री प्राग्रेसिभ युथ क्लब, सप्तकोशी–८, ओद्राहा, सप्तरीको आयोजनामा यही फागुन १५ गतेदेखि पाँचौं वडा अध्यक्ष कप नकआउट फुटबल प्रतियोगिता हुने भएको छ ।

प्रीतयोगिताको खेलतालिका पनि सार्वजनिक गरिएको छ । उद्घाटन खेलमा फागुन १५ गतेका दिन डाँफे युवा क्लब, सिदिपुर र बेलटार युनाइटेड, बेलटार भिड्ने छन् । कुल आठ टोलीहरु सहभागि प्रतियोगिताको फाइनल खेल फागुन २२ गतेका दिन हुनेछ ।

प्रतियोगिताको विजेताले उपाधिसहित नगद ३० हजार हात पार्नेछ भने उपविजेताले २० हजारसहित ट्रफी, मेडल र प्रमाणपत्र प्राप्त गर्नेछ । त्यस्तै विधागततर्फ पनि उचित पुरस्कारको व्यवस्था गरिएको आयोजकले जानकारी दियो ।