काठमाडौ । चारदेशीय महिला च्याम्पियनसिपको फाइनल टिकट मुल्य महँगो भएको चर्चा चल्दै गर्दा एन्फाले भने टिकट बिक्रीबाट संकलित केही रकम महिला खेलाडीहरुलाई पनि दिने भएको छ ।

एन्फाका अनुसार खेलाडीहरुले टिकट बिक्रीबाट संकलित २० प्रतिशत रकम पाउने भएका हुन । स्मरण रहोस, यसअघि एन्फाले नेपाल र म्यानमार बीच बुधबार हुने फाइनल खेलका लागि सामान्यतर्फ १००० र विशिष्ठतर्फ २००० टिकट मूल्य तोकेको छ ।

प्रतियोगिताको लिग चरणको खेलहरुमा भने टिकट मुल्य सामान्यतर्फ ५०० र विशिष्ठटर्फ १००० तोकिएको थियो । फाइनल बुधबार दशरथ रंगशालामा ६ बजेदेखी शुरु हुँदैछ ।

दर्शकहरुले टिकट खल्ती डिजिटल वालेटमार्फत पनि खरिद गर्न सक्नेछन । खल्तीले सामान्य टिकट खरिद गर्दा १५० 'क्यास ब्याक' गर्ने घोषणा यसअघि नै गरिसकेको छ ।