काठमाडौं । एन्फा यु–१६ यु लिग अन्तर्गत बिहीबार चर्च ब्वाईज युनाइटेड क्लब र एफसी खुमलटारले जित निकाल्दै महत्वपूर्ण तीन–तीन अंक बटुलेका छन् ।

एन्फा कम्प्लेक्समा भएको दिनको पहिलो खेलमा चर्च ब्वाईजले मच्छिन्द्र फुटबल क्लबलाई शून्यका विरुद्ध १ गोलले हराउँदै आफ्नो खातामा महत्वपूर्ण तीन अंक जोड्न सफल भएको हो ।

त्यस्तै अर्को खेलमा खुमलटारले विभागीय टोली त्रिभुवन आर्मी फुटबल क्लबमाथि ५–१ को फराकिलो जित दर्ता गर्दै आफ्नो खातामा तीन अंक बटुल्न सफल भयो ।