काठमाडौं । बिहीबारदेखि शुरु भएको एन्फा महिला लिग राष्ट्रिय फुटबल प्रतियोगिताको फाइनल चरणतर्फको दोस्रो दिन विभागीय टोली नेपाल पुलिस क्लबले पनि विजयी शुरुवात गरेको छ ।

एन्फा कम्प्लेक्समा भएको खेलमा पुलिसले वालिङ नगरपालिका, स्याङजालाई शून्यका विरुद्ध ५ गोलको फराकिलो अन्तरले हरायो । पुलिसका लागि अनुष्का शेर्पा र सम्झना लावतीले दुई–दुई गोल गरिन् भने थप एक गोल पुजा रानाले गरिन् ।