हेटौडा । अखिल नेपाल फुटबल संघ (एन्फा) र बागमती प्रदेश फुटबल संघको संयुक्त आयोजनामा हुन गईरहेको दोस्रो बागमती प्रदेश लिग फुटबल प्रतियोगिताको खेलतालिका सार्वजनिक गरिएको छ ।

हेटौडा स्थित पिप्ले क्याम्पा रंगशालामा हुने प्रतियोगिताको उद्घाटन खेलमा पुष १० गतेका दिन काठमाडौं र काभ्रेपलाञ्चोक जिल्ला भिड्ने खेलतालिकामा उल्लेख छ । प्रतियोगिताको फाइनल र समापन पुष २० गतेका दिन हुनेछ ।

प्रतियोगिताको विजेताले उपाधिसहित नगद २ लाख हात पार्नेछ भने उपविजेताले १ लाखसहित ट्रफी, मेडल र प्रमाणपत्र प्राप्त गर्नेछ । त्यस्तै विधागततर्फ उत्कृष्ट हुने खेलाडीहरुलाई पनि उचित पुरस्कारको व्यवस्था गरिएको आयोजकले जनाएको छ ।

साथै प्रतियोगिताको आधिकारिक मिडिया पार्टनर रहेको गोलनेपालले सबै खेलहरु प्रत्यक्ष प्रसारण समेत गर्नेछ ।

खेलतालिका हेर्नुहोस्ः