काठमाडौं । ललित स्मृति यु–१८ युथ लिग फुटबल प्रतियोगिता अन्तर्गत १५औं चरणको अन्तिम खेलमा प्रभावशाली जित निकाल्दै विभागीय टोली नेपाल पुलिस क्लब लिगतालिकाको शिर्ष स्थानमा फर्किएको छ ।

एन्फा कम्प्लेक्समा शुक्रबार भएको खेलमा पुलिसले जावलाखेल युथ क्लबलाई ४–० ले हरायो । यो जितपछि १५ खेलबाट ३२ अंक जोडेको पुलिस शिर्ष स्थानमा छ । पराजित जावलाखेल भने १९ अंकका साथ आठौं स्थानमा छ ।

शुक्रबार नै भएको अर्को खेलमा पुछारतिरको टोली सातदोबाटो युथ क्लबले मनाङ मस्र्याङ्दी क्लबमाथि ३–० को सनसनीपूर्ण जित निकाल्यो । यो जितपछि १५ खेलबाट ८ अंक जोडेको सातदोबाटो पुछार मै संघर्षरत छ । पराजित मनाङ भने २५ अंकका साथ सातौं स्थानमा छ ।