काठमाडौं । ललित स्मृति यु–१८ युथ लिग फुटबल प्रतियोगितातर्फ शिर्षताको होडमा बलियो दावेदारिता पेश गरेको न्युरोडटिम (एनआरटी) आफ्नो १३औं चरणको खेलमा लिगतालिकाको शिर्ष स्थानमा उक्लिएको छ ।

सातदोबाटो स्थित एन्फा कम्प्लेक्समा भएको खेलमा एनआरटीले एफसी खुमलटारलाई शून्यका विरुद्ध १ गोलको झिनो अन्तरले हराएर महत्वपूर्ण तीन अंक जोड्न सफल भयो ।

यो जितपछि १३ खेलबाट २८ अंक जोडेको एनआरटी लिगतालिकाको शिर्ष स्थानमा उक्लेको छ । पराजित खुमलटार भने ७ अंकका साथ लिगतालिकाको ११औं स्थानमै संघर्षरत छ ।

त्यस्तैअर्को खेलमा चर्च ब्वाईज युनाइटेड र थ्री स्टार क्लबले गोलरहित बराबरी खेल्दै अंक बाँडेका छन् । यो नतिजापछि १३ खेलबाट २३ अंक जोडेको थ्रीस्टार लिगतालिकाको तेस्रो स्थानमा यथावत छ । उता चर्च ब्वाईज भने १५ अंकका साथ लिगतालिकाको नवौं स्थानमा छ ।