काठमाडौ । नेपालको विभिन्न उमेर समुहमा राष्ट्रिय टोलीको प्रतिनिधित्व गरिसकेकी सजनी थोकरले सोमबार सीनियर टोलीका लागि अन्तर्राष्ट्रिय डेब्यु गरिन ।

साफ महिला च्याम्पियनसिपको समूह बी तर्फ नेपालले माल्दिभ्सविरुद्ध खेलेको आफ्नो दोस्रो खेलमा सजनीले नेपालका लागि सिनियर टोलीमा डेब्यु गरेकी हुन । सजनीले खेलको ६६औं मिनेटमा गीता रानाको स्थानमा मैदान प्रवेश गर्दै अन्तर्राष्ट्रिय फुटबलमा आफ्नो लागि त्यो दिन विशेष बनाईन ।

स्मरण रहोस, सो खेलमा नेपालले माल्दिभ्समाथी ११-० को फराकिलो जित निकालेको थियो । नेपालले समूह चरणको आफ्नो अन्तिम खेलमा बुधबार श्रीलंकाको सामना गर्नेछ ।