काठमाडौं । नेपालका राष्ट्रिय तथा अन्तर्राष्ट्रिय खेलाडी साथै चर्च ब्वाईज युनाइटेडलाइै गत सिजन ए डिभिजन लिग उपाधि जिताउन महत्वपूर्ण भूमिका खेलेका सुवास गुरुङ पनि सुन्दर भविष्यको खाका कोर्दै अष्ट्रेलियालाई गन्तव्य बनाएर बिदेशिएका छन् ।

वालिङ, स्याङ्जा स्थायी घर भई लामो समयदेखि नेपाली फुटबलमा सक्रिय सुवासले चर्च ब्वाईज युनाइटेड बाहेक, घरेलु टोली वालिङ युनाइटेडसँगै संकटा क्लब, मनाङ मस्र्याङ्दी क्लब जस्ता चर्चित क्लबहरुबाट व्यवसायीक फुटबल पनि खेले ।

केही समय नेपालको राष्ट्रिय टोलीबाट समेत खेलेका सुवासले अन्य खेलाडीसरह नेपालमा फुटबल मै आफ्नो भविष्य नदेखिएपछि विदेशलाई नै अन्तिम गन्तव्य बनाएका छन् ।