तेह्रथुमको आठराई गाउँपालिका वडा ६ चुहानडॉडा स्थित तेह्रथुम बहुमुखी क्याम्पसको खेल मैदानमा असोज १९ गते देखि २४ गते सम्म दोस्रो चुहानडॉडा खेलकुद कार्यक्रम हुने भएको छ ।

 

वडा नं ६ को आर्थिक सहयोगमा सन्चालन हुने कार्यक्रममा खुल्ला पुरूष फुटबल प्रतियोगिता तथा वडा स्तरीय पुरूष भलिबल प्रतियोगिता हुने बताइएको छ । खुल्ला पुरूष फुटबल तर्फ बिजेताले नगद १ लाख र उपविजेताले ५० हजार प्राप्त गर्नेछन । त्यस्तै वडा स्तरीय पुरूष भलिबल तर्फ विजेताले २० हजार र उपविजेताले १० हजार प्राप्त गर्ने चुहानडॉडा खेलकुद कार्यक्रमका अध्यक्ष ओम कुमार लिम्बुले बताउँनु भयो ।

 

गत बर्ष देखि वडा दशैको अवसरमा लाग्दै आएको कार्यक्रमका लागि वडा कार्यलयले आर्थीक सहयोग गरिरहेको वडाध्यक्ष कृष्ण प्रसाद बास्कोटाले बताउँनुभयो ।