पोखरा । रातो घर, रामबजार, पोखराको आयोजना तथा स्व. सुनिल गुरुङ र सुशिल कार्कीको स्मृतिमा यही असोज ९ र १० गतेका दिन प्रथम फाईभ ए साईड एमेच्योर फुटसल प्रतियोगिता हुने भएको छ ।

गणेशटोल, पोखरा स्थित स्पोर्टस क्यासलमा हुने प्रतियोगिताको असोज ७ गतेसम्म टिमदर्ता खुला गरिएको छ । साथै टिमदर्ता शुल्क ५ हजार तोकिएको छ ।

प्रतियोगिताको विजेताले उपाधिसहित नगद ६० हजार हात पार्नेछ भने उपविजेताले ३० हजारसहित ट्रफी, मेडल र प्रमाणपत्र प्राप्त गर्नेछ ।

पुन टोल ब्रदर्श, रामबजारको विशेष सहयोग रहने प्रतियोगिताको व्यक्तिगत विधातर्फ उत्कृष्ट हुने खेलाडीहरुलाई पनि उचित पुरस्कारको व्यवस्था गरिएको आयोजकले जानकारी दियो ।