काठमाडौं । लैनचौर युवा सामान्य समिति, काठमाडौंको आयोजनामा आउँदो असोज ११ देखि १४ गतेसम्म खुला सेभेन ए साईड फुटबल प्रतियोगिता हुने भएको छ ।

दुव्र्यसन विरुद्ध सचेतना जगाउने उद्देश्यका साथ आयोजना हुन गईरहेको प्रतियोगिताको टिमदर्ता पनि खुला गरिएको छ । साथै सहभागिता जनाउन चाहने इच्छुक क्लबहरुका लागि ८००० टिमदर्ता पनि तोकिएको छ ।

प्रतियोगिताको विजेताले उपाधिसहित नगद १ लाख हात पार्नेछ भने उपविजेताले ५० हजारसहित ट्रफी, मेडल र प्रमाणपत्र प्राप्त गर्नेछ । त्यस्तै व्यक्तिगत विधातर्फ उत्कृष्ट हुने खेलाडीहरुलाई पनि उचित पुरस्कारको व्यवस्था गरिएको आयोजकले जानकारी दियो ।