सन्धिखर्क । हुलीगन्स फुटबल क्लब, सन्धिखर्क, अर्घाखाँचीको आयोजनामा यही साउन २३ गतेदेखि खुला नकआउट फुटबल प्रतियोगिता हुने भएको छ ।

सन्धिखर्क–१ स्थित टुंडिखेल मैदानमा हुने प्रतियोगिताको टिमदर्ता पनि खुला गरिएको छ । साथै टिमदर्ता शुल्क ७५०० तोकिएको पनि आयोजकले जानकारी दियो ।

प्रतियोगिताको विजेताले उपाधिसहित नगद ७० हजार हात पार्नेछ भने उपविजेताले ३५ हजारसहित ट्रफी, मेडल र प्रमाणपत्र प्राप्त गर्नेछ । त्यस्तै विधागततर्फ पनि उचित पुरस्कारको व्यवस्था गरिएको छ ।

विस्तृत जानकारीका लागि सम्पर्क नम्बरहरु 9857049340, 9867151410, 9852089200 मा सम्पर्क गर्न सकिनेछ ।