काठमाडौं । एन्फा युथ लिग फुटबल प्रतियोगिता अन्तर्गत सोमबार भएका दुई खेलहरु समान अन्तरको नतिजासहित बराबरीमा टुंगिएका छन् ।

एन्फा कम्प्लेक्समा भएको पहिलो खेलमा मच्छिन्द्र फुटबल क्लबले सातदोबाटो युथ क्लबसँग र चर्च ब्वाईज युनाइटेडले संकटा क्लबसँग समान १–१ गोलको बराबरी खेल्दै अंक बाँडेका हुन् ।

पहिलो खेलमा मच्छिन्द्रका लागि रोनिक राना मगरले गोल गरे भने सातदोबाटोका लागि आदेश लामाले गोल फर्काएका थिए ।

त्यस्तै दोस्रो खेलमा चर्च ब्वाईजका लागि अनिष श्रेष्ठले गोल गर्दा संकटाका लागि दिवस राईले गोल गरेका थिए ।