काठमाडौं । एन्फा युथ लिग अन्तर्गत चर्च ब्वाईज युनाइटेडले पहिलो जित हात पार्दा न्युरोडटिम (एनआरटी) ले लगातार दोस्रो जित दर्ता गरेको छ ।

बुधबार एन्फा कम्प्लेक्समा भएको पहिलो खेलमा चर्च ब्वाईजले थ्रीस्टार क्लबमाथि शून्यका विरुद्ध १ गोलको झिनो अन्तरको जित निकाल्यो । चर्च ब्वाईजका लागि अमन तामाङले एक मात्र निर्णायक गोल गरे ।

दोस्रो खेलमा एनआरटीले खुमलटार एफसीलाई समान १–० को गोल अन्तरले हरायो । एनआरटीलाई लगातार दोस्रो जित दिलाउने क्रममा सन्तोष गोङबाले एक मात्र निर्णायक गोल गरे ।