काठमाडौं । दशरथ रङशलामा जारी साफ यु-१९ च्याम्पियनशिपको सेमीफाइनलमा भारत विरुद्ध भिड्दै गरेको नेपाल यु-१९ टोलीलाई हौशला र समर्थन प्रदान गर्नका लागि दशरथ रङशला, त्रिपुरेश्वर देखी गोदावरीको होटेल भ्यु भ्रिकुटीसम्म नेपाली फुटबल समर्थकहरुले बाइक र्याली निकाल्ने भएका छन् ।

बुधबार बिहान १० बजे रङशलाबाट सुरु हुने उक्त र्याली कुपोन्डोल, पुलचोक, लगनखेल, जवलाखेल, सातदोबाटो हुँदै गोदावरी पुग्ने छ । नेपाली फुटबल समर्थकको आयोजनामा हुन लागेको र्यालीले नेपाली युवा टोलिलाई नयाँ जोश दिने विश्वाश गरिएको छ । नेपाली फुटबल समर्थक समुहले यो र्यालीमा जो कोही पनि सहभागी हुन सक्ने बताएका छन् ।