काठमाडौं । अखिल नेपाल फुटबल संघ (एन्फा) ले शुक्रबार शहिद स्मारक ए डिभिजन लिग र बी डिभिजन लिगका क्लबहरुलाई दिनुपर्ने पुरस्कार रकम दिएको छ । एन्फाले दिनुपर्ने आवश्यक रकमहरु सम्बन्धित क्लबहरुको खातामा बुझाएको कुरा जानकारी दिएको छ ।

स्मरण रहोस, गत सिजन ए डिभिजन लिगको उपाधि अपराजित रहेर मच्छिन्द्र फुटबल क्लबले जितेको थियो । त्यस्तै त्रिभुवन आर्मी फुटबल क्लबले दोस्रो स्थान हासिल गर्दा न्युरोडटिम (एनआरटी) ले तेस्रो स्थान हात पारेको थियो । त्यस्तै ब्रीगेड ब्वाईज क्लब (बीबीसी) र च्यासल युथ क्लब भने रेलिगेशनमा परेका थिए ।

त्यसैगरी बी डिभिजन लिगतर्फ चर्च ब्वाईज युनाइटेड लिग च्याम्पियन बन्दा खुमलटार युथ क्लबले दोस्रो स्थान हासिल गरेको थियो । दुवै टोली ए डिभिजन लिगमा समेत बढुवा हुन सफल भएका थिए ।