काठमाडौं । अखिल नेपाल फुटबल संघ (एन्फा) को आयोजनामा नेपाल र बङ्गलादेशको राष्ट्रिय फुटबल टोलीबीच यही सेप्टेम्बर ६ र ९ तारिखमा दशरथ रङ्गशालामा FIFA International Window मा फुटबल खेलहरु हुँदैछ।

यस खेलहरूका लागि एन्फाले तीव्ररूपमा तयारी अगाडि बढाएको छ। प्रतियोगिताको मार्केटिङ र डिजिटल अधिकार AD Release Pvt Ltd लाई प्रदान गरिएको छ भने खेलको प्रत्यक्ष प्रसारण Action Sports HD बाट गरिनेछ।

दुवै खेलहरूको टिकटिङ अधिकार एन्फाकै स्वामित्वमा रहनेछ। टिकट दर भिआइपी पारापिट तर्फ रु १००० र सामान्य पारापिट तर्फ रु ५०० टिकट दर निर्धारण गरिएको छ।

बङ्गलादेशको राष्ट्रिय टोली सेप्टेम्बर ३ तारिखमा नेपाल आइपुग्ने पनि जानकारी गराउँदछु। टोलीलाई अभ्यासका लागि भद्रकाली स्थित नेपाली सेनाको खेल मैदान र च्यासल स्थित च्यासल रङ्गशालाको मैदानमा व्यवस्था गरिएको छ।