काठमाडौं । एन्फा यु–१६ युथ लिगतर्फ नवौं चरणको अन्तिम खेलमा सोमबार हिमालयन शेर्पा क्लबले साँघुरो अन्तरको जित निकाल्दै महत्वपूर्ण तीन अंक जोडेको छ ।

सोमबार एन्फा कम्प्लेक्समा भएको दिनको अन्तिम खेलमा शेर्पाले सातदोबाटो युथ क्लबलाई शून्यका विरुद्ध १ गोलको झिनो अन्तरले हरायो । शेर्पाको जितमा अभि राईले एक मात्र निर्णायक गोल गरे ।

यो जितपछि ९ खेलबाट १४ अंक जोडेको शेर्पा लिगतालिकाको आठौं स्थानमा छ । उता पराजित सातदोबाटो भने अझै जितविहीन र अंकविहीन बन्दै पुछारमा छ ।