सुन्दरहरैँचा । पथरी शनिश्चरे नगरपालिका यहाँ जारी तेस्रो मेयर कप अन्तर पालिका स्तरीय पुरुष फुटबल प्रतियोगिताको फाइनलमा प्रवेश गरेको छ ।

बुधबार भएको पहिलो सेमीफाइनल खेलमा पथरी शनिश्चरे नगरपालिकाले इटहरी उपमहानगरपालिकालाई १–० को अन्तरले हराउँदै फाइनलमा प्रवेश गरेको हो।

पथरी शनिश्चरेको जितमा सौर्य राउतले एक मात्र निर्णायक गोल गरे । बुधबारको प्लेयर अफ दि म्याच पथरी शनिश्चरेका निर्णायक गोलकर्ता सौर्य राउत घोषित भए ।

प्रतियोगिता अन्तर्गत बिहीबारको दोस्रो सेमिफाइनल खेल आयोजक सुन्दरहरैँचा र बेलबारी बिचमा हुने आयोजकले जानकारी दियो ।