काठमाडौं । बुधबार सम्पन्न चारदेशीय महिला च्याम्पियनसिप अन्तर्राष्ट्रिय आमन्त्रित महिला फुटबल प्रतियोगितामा नेपाल उपविजेता मै सिमित बने तापनि विधागततर्फ भने नेपाल सर्वश्रेष्ठ रह्यो ।

दशरथ रंगशालामा म्यानमारसँग २–० ले पराजित हुन पुगेको नेपाली टोलीकी मिडफिल्डर रेनुका नगरकोटी प्रतियोगिता कै सर्वश्रेष्ठ खेलाडी घोषित भईन । रेनुकाले त्यसवापत आकर्षक ट्रफी र नगद ५० हजार हात पारिन् ।

म्यानमारकी खिन मो मो टुन फाइनल खेलको प्लेयर अफ दि म्याच बनिन् । स्मरण रहोस, नेपाल र म्यानमार प्रतियोगिताको लिग चरणमा पनि आमने सामने हुँदा त्यतिबेला दुवै टोलीले २–२ गोलको रोमाञ्चक बराबरी खेलेका थिए । यद्यपि त्यो प्रदर्शनलाई नेपाली टोलीले फाइनलमा दोहोर्याउन सकेन ।