News फेरि फिफाको प्रतिवन्धमा पाकिस्तान
गोलनेपाल

काठमाडौं । अन्तर्राष्ट्रिय फुटबलको सर्वोच्च निकाय फिफाले तत्काल लागू हुने गरि पाकिस्तानलाई फुटबल सम्बन्धि कुनै पनि गतिबिधिहरुमा सामेल हुन नपाउने गरि प्रतिवन्ध लगाएको छ ।

फिफाले तोकेको र विधान बमोजिम निर्वाचन गर्न नसकेको र विविध हस्तक्षेप र विवादका कारण फिफाले पाकिस्तान फुटबल फेडरेशनमाथी प्रतिवन्ध लगाएको हो ।

फिफाका अनुसार पाकिस्तानको वर्तमान फुटबल सामान्य अवस्थामा नफर्कुन्जेल प्रतिवन्ध कायम रहने बताइएको छ । स्मरण रहोस, फिफाले सन २०२१ मा पनि पाकिस्तान फुटबलमाथी प्रतिवन्ध लगाएको थियो र सो प्रतिवन्ध सन २०२२ म फुकुवा गरेको थियो ।

यद्यपि अवस्था अझै सामान्य हुन नसकेपछी फिफाले पाकिस्तान फुटबलमाथी पून: प्रतिबन्ध लगाएको हो । यो प्रतिबन्धसँगै पाकिस्तानले मार्च महिनादेखी हुने एएफसी एसियन कपको तेस्रो चरणको छनौट खेल्ने अनि अनिश्चित बनेको छ ।

छ्नौट प्रतियोगिता अन्तर्गत समूह ई मा रहेको पाकिस्तानले सिरिया, अफगानिस्तान र म्यानमारसँग खेल्ने कार्यक्रम रहेको थियो ।

फिफाले पाकिस्तान बाहेक अफ्रिकी देश कंगोमाथी पनि अर्को निर्णय नहुँदासम्मको लागि अनिश्चितकालीन प्रतिवन्ध लगाएको छ ।

Post Comments