काठमाडौं । पूर्वी नेपालको चर्चित क्लब तथा लगातार दोस्रोपटक तेस्रो नेपाल सुपर लिग (एनएसएल) खेल्ने तयारीमा रहेको झापा फुटबल क्लबले सफल र युवा प्रशिक्षक प्रवेश कटुवाललाई आफ्नो मुख्य प्रशिक्षकमा नियुक्त गरेको छ ।

क्लबले मंगलबार आफ्नो आधिकारिक सामाजिक सञ्जालमार्फत प्रवेश कटुवालको नियुक्तिबारे जानकारी गराएको हो । दुई सिजन मच्छिन्द्र फुटबल क्लबलाई ए डिभिजन लिग उपाधि जिताएका कटुवालसँग राष्ट्रिय टोलीको जिम्मेवारी सम्हालेको अनुभव पनि छ ।

गत सिजन झापाको मुख्य प्रशिक्षकमा स्पेनका ओरिओल मोहिडानो थिए । त्यतिबेला झापा गत सिजन एनएसलको पाँचौं स्थानमा रहेर लिगको समापन गरेको थियो । 

स्मरणीय छ, नेपाल सुपर लिगको तेस्रो संस्करण आउँदो चैत्र २६ गतेदेखि शुरु हुने तय भईसकेको छ । त्यसका लागि खेलाडीहरुको अक्सन पनि हुँदैछ ।