News
सुनवल वडा नं. ३ प्रथम जेनिथ कपको अन्तिम चारमा प्रवेश

सुनवल । रोमाञ्चक जितका साथ सुनवल वडा नम्बर ३ यहाँ जारी प्रथम जेनिथ कप खुला नकआउट फुटबल प्रतियोगिताको सेमिफाइनलमा प्रवेश गर्ने अन्तिम टोली बनेको छ ।
किर्तिपुर खेलमैदानमा भएको अन्तिम क्वाटरफाइनलतर्फ सुनवल वडा नम्बर ३ ले सिद्धार्थ क्लब, चपरहट्टीलाई २–१ ले हराउँदै अन्तिम चारमा प्रवेश गर्न सफल भएको हो ।
खेलमा सुनवल वडा नम्बर ३ का धमेन्द्र कवर म्यान अफ दि म्याच घोषित भए । प्रतियोगिता अन्तर्गत पुस २९ गते सोमबारको पहिलो सेमिफाइनल खेल आयोजक जेनिथ युथ क्लब (निलो) र बिग बुद्ध एफसी बीच हुनेछ ।
जेनिथ युथ क्लब, सुनवल–३, किर्तिपुरको आयोजनामा जारी प्रतियोगिताको विजेताले उपाधिसहित नगद १,०१,१११ रुपैयाँ हात पार्नेछ भने उपविजेताले ५५,५५५ रुपैयाँसहित ट्रफी, मेडल र प्रमाणपत्र प्राप्त गर्ने आयोजकले जानकारी दियो । फाइनल खेल माघ ३ गतेका दिन हुनेछ ।
Post Comments